رواية ولاكنها لي (كاملة جميع الفصول) بقلم ربما كاتبة 3
رواية ولاكنها لي الفصل الثالث بقلم حور حمدان
روح.. اسمع بقا يا استاذ ديب لو فاكر اني هعيشلك هنا امينه وانت سي السيد اللي هتطلب وتتامر وانا انفذلك تبقا غلطان وحاجه تانيه ايدك لو اترفعت عليا تاني اقسم بربي هكسر’هالك ونا قولتلك اهو
كان ديب واقف مصدوم من ردها عليه بس سابها ودخل اوضته..
روح اخدت قمر ودخلت الاوضه بصتلها وقالت.. رغم انك مش بنتي ولا حته مني ولكن من ساعت ما بصيتلك ونا اتعلقت بيكي وعد هكون ليكي ام واخت وصاحبه سكتت اما لقيت قمر نامت حطتها ع السرير ونامت جمبها
ف صباح يوم جديد صحيت روح ع ميه سقعه جدا اتكبت عليها
روح بفزع.. اي دا في اي
اعتماد.. مخمو’ده كل دا لي ياختي يلا اتشمري وانزلي عندنا هم ميتلم عاوز يتعمل
قامت روح وقالتلها.. اسمعي بقا ياست انتي انا سكتلك مره واتنين وتلاته بس انك تكلمي معايا كدا تاني مش هسمح
اعتماد مسكتها من شعرها وقالت.. وانتي مين ياحتت بتاعه لا راحت ولا جت عشان تسمحي ومتسمحيش انتي هنا زيك زي الكرسي ملكيش لزمه ولا ليكي تتكلمي اصلا
روح وعيونها بدات تحمر من العصبيه.. هيا مين دى ياست انتي اللي زيها زى الكرسي لا بقولك اي كدا والله لو مكنتي قد امي لكنت وريتك ازاى تتكلمي معايا كدا حاجه كمان اتفضلي اطلعي برا عشان عاوزة اكمل نوم
ــــــــــــــــــــــــــــــــــ
ف مبني مخبارات كان قاعده ديب وحاطت ايدو ع دماغو من كتر التفكير دخل عليه مالك صاحبه وقال
مالك ياديب ف اي.؟!
ديب.. مش عارف خايف اكون بظلمها معايا او يمكن ظلمتها اصلا
مالك.. هيا مين تقصد مراتك
بصله ديب نظره طويله واتنهد وقال.. ايوه
مالك ب ابتسامه. طب تعالي اقولك تعمل ايي
عدى وقت وديب نزل من المبني واتجهه نحيه البيت
ف البيت كانت اعتماد واقفه بتشيط من الغيظ وفأجاه رفعت ايدها عشان تضرب روح بالقلم بس وقفت بصدمه لما لقيت اللي بيمسك ايدها
الفصل الرابع من هنا
رواية ولاكنها لي الفصل الرابع بقلم حور حمدان
مسك محمد ايدها وقال… انتي اتهبلتي يااعتماد بتمدى ايدك ع مرات ابني
اعتماد بتوتر.. م محمد مهوا
محمد بزعيق.. مهوا اي.؟ اي يخليكي ترفعي ايدك ع مرات ابني انطقيي(محمد يبقا والد ديب)
اعتماد.. بتغلط فيا يامحمد ووو
محمد.. اعتماااددد انا واقف برا من بدري وسامع الكلام من اوله انتي عارفه اني بكرهه الكدابين فبلاش كدب بدل والله م اطلقك فيها
وقفت روح وربعت ايدها وبصت لـ اعتماد نظره شماته وقالت.. خلاص يابابا محمد محصلش حاجه
دخل ديب واستغرب من التجمع وقال.. ف حاجه ولا اي بص ع محمد وقال بابا انت رجعت من السفر امتا
محمد.. من شويه كمل كلامه بنبره تحذير موجهه لــ اعتماد وديب
ديب انت تغير مفاتيح الشقه انتي يااعتماد تدى حالاً المفتاح لـ روح
اعتماد بغيظ.. طيب مش هتنزل معايا تساعدني ف شغل البيت اصل انا مشيت الست اللي كانت بتساعدني ف شغل البيت .؟
محمد.. حد قالك ان ابنك جايبها هنا خدامه روحي يا اعتماد كلمي الست تيجي تساعدك وتساعد روح لو احتاجت حاجه وبعد كدا متعمليش حاجه من دماغك كمل كلامه ووجهه لديب وقال اتمني تحافظ ع مراتك اللي معاك لإن بنات الناس مش لعبه انت سامع.
ديب.. اكيد يابابا
محمد.. يلا يااعتماد قدامي عشان لينا كلام تاني مع بعض
اعتماد بتوتر.. تمام يلا ونزلو
ديب قفل الباب وبص ع روح اللي كانت واقفه والابتسامه ع وشها
اختفت ابتسامت روح تلقائياً اما لقيت ديب بيقرب منها وقالت.. خيرر ف حاجه
قعد ديب وقالها.. اقعدى عشان نتكلم قعدت روح وبصت لي عشان يكمل قال.. بصي انا كنت جايبك هنا عشان تكوني ام لبنتي لإن بصراحه انا كنت بحب مراتي الله يرحمها ومازلت بحبها مش قادر اتخطاها. بس انا عاوز تساعديني انساها واكمل حياتي معاكِ انتي موافقه نكون اصدقاء لفتره مؤقته
وقفت روح وربعت ايدها وقالت.. مين قالك اصلا اني عوزاك تنساها او نكون اصدقاء انا جايه هنا عشان قمر ومش هيبقا ليا كلام معاك ياديب انا مش عاوزه منك حاجه اصلا وسابته ودخلت الاوضه
اتنهد ديب ودخل هوا كمان اوضته
عدا اسبوع بسلام لحد ما ف يوم نزل محمد الشغل وكانت ااعتماد عازمه بناتها ال3 تالين وسيلا وتاليا طلعت اعتماد لـ روح واتمسكنت وقالت
اعتماد.. ينفع ياروح يابنتي تنزلي تساعديني اصلي عازمه بناتي والشغل كتير ونا تعبانه
روح صعبت عليها حماتها وقالتلها حاضر ياطنط هلبس وانزلك
اعتماد بتلكيك طب هاتي قمر
روح.. هجبها معايا ياا اعتماد مسرعه هاتيها بش عشان تخلصي بسرعه
روح تمام خدت اعتماد قمر ونزلت بعد شويه وقت كانت روح لبست ونازله ولسا بتنزل اول سلمه راحت اتزحلقت وويتبع